Lovi Poe talks about break up with Rocco Nacino

Matapos ang pag-amin ng Kapuso actor na si Rocco Nacino tungkol sa paghihiwalay nila ng kaniyang kasintahan at Kapuso actress na si Lovi Poe, nagsalita na rin ang aktres tungkol sa naging dahilan sa likod nito.

Sa contract signing ng tinaguriang "Premier Actress" ng GMA Network, sinabi niyang nais muna niyang ituon ang pansin sa kaniyang sarili at sa career.

Ayon kay Lovi, "I really want to focus on my career first. I want to grow as a person, as an individual. Marami pa akong gustong gawin, especially now na pinagkatiwalaan ulit ako ng GMA. I'm so happy to be here. Focus muna sa career."

Puro magagandang mga salita naman ang nasabi ng aktres tungkol sa dati niyang nobyo at sa kanilang naging relasyon na tumagal ng dalawang taon.

Sa naunang panayam, inamin ni Rocco na hanggang ngayon ay iniiyakan pa rin niya ang paghihiwalay nila.

Aminado si Lovi na nalungkot rin siya sa nangyari, ngunit naniniwala raw siya na ito ang makabubuti para sa kanilang dalawa.

Ayon sa aktres, "Ang masasabi with my past relationship, all he did was push me and lift me up. Pero siguro, as a person, it's something that I believe is best for both of us and our careers."

"I will always treasure what I had with my past relationship. I will never forget that. He will always be close to my heart and special to me. I learned a lot from our relationship," dagdag pa niya.

Para kay Lovi, masyado umanong naging mabigat ang kanilang relasyon.

Paliwanag niya, "We had a very good relationship. In two years, it was filled with love and happiness. I guess, it was just time for us to grow separately, as individuals because, I think, we are still too young to carry the kind of relationship that we had."

"Yes, we took care of each other, very supportive kami. It's just that, we're too young to lead to something more than that. We had to make ourselves grows as individuals. I have to be more of a woman, he has to be more of a man. Madami pa kaming kailangang madiskubre sa sarili namin," giit pa niya.

Hindi naman raw isinasarado ng aktres ang kaniyang puso sa posibilidad na magkabalikan sila ni Rocco, at maging sa posibilidad na magkatrabaho sila.

Gayunpaman, idiniin niyang nakatuon muna ang kaniyang pansin sa kaniyang sarili at trabaho.

Aniya, "If we should meet again in the future, it's going to happen. If it doesn't, then I guess, it''s just not meant to be. We don't know what the future holds."

"Rocco is an ideal man. It's just that, ako bilang isang tao, I feel like hindi pa ako buo as an individual. We had to work on ourselves first. There are some things that you have to figure out on your own," paliwanag pa ng Kapuso actress.

New love?

Bukod sa hiwalayan ng dalawa, naging usap-usapan din ngayon ang mga larawan ni Lovi kasama ang kaniyang kaibigan na si Chris Johnson.

Kaagad na itinanggi ng aktres na mayroon silang relasyon ng binata na nanggaling pa umano sa Europe.

"Hindi ako in love. I'm just really focused sa sarili ko. I just got out of a relationship. I don't want to jump into another one yet," aniya.

Dagdag pa ng Kapuso actress, "Chris is just a friend. He's just a friend who's visiting here. He doesn't live here. There's no big fuss about it. I met him here, but he lives in Europe. He's just a friend who's visiting."

Anoman raw ang maging kalagayan ng kaniyang love life, bukas ang puso ni Lovi sa lahat ng posibilidad.

"Whatever happens, I'm just going with the flow. I'm just hoping for the best... If it's going to happen, it's going to happen. Maybe in the future. Pero ngayon, I just want to enjoy being on my own," pagtatapos niya.

 

St. trippin' part 2. ? Miss you @adgalan !! #LoviChrissy

A photo posted by Lourdes Virginia M. Poe (@poevirginia) on

Jul 17, 2016 at 2:41am PDT

Nakatakda ngayong bumida si Lovi sa Kapuso TV series na "Someone To Watch Over Me," kung saan tatalakayin ang early on-set Alzheimer's Disease, kasama sina Tom Rodriguez, Max Collins, at Edu Manzano.

Kabilang din siya sa mga gaganap sa pelikulang "The Escort" kasama naman sina Derek Ramsay at Christopher de Leon. -- FRJ, GMA News