German Moreno suffers mild stroke

(Updated 12:43 p.m.) Na-stroke ang veteran TV host na si German "Kuya Germs" Moreno kahapon, January 2, 2015.

Kasalukuyang nasa Acute Stroke Care Unit (ASCU) ng St. Luke's Medical Center, sa Quezon City, si Kuya Germs.

Ayon sa Facebook message ng anak niyang si Federico Moreno sa PEP contributor at StarTalk reporter na si Gorgy Rula, "His right leg is at 50 percent mobility. 0 percent on his right arm and a bit slurry on his speech.

"We humbly ask for your prayers for his quick recovery. Pls pray for Papa."

Ngunit tiniyak din ni Federico na, "Don't worry, he's OK. "It's just that he cannot entertain any calls nor guests for the coming days. Hope you understand."

Seventy-one years old na ngayon si Kuya Germs.

Sa hiwalay na panayam ng radio dzBB, ipinaliwanag ni Chuchi Fajardo, sekretarya ni Moreno, na nagkaroon ng mild stroke ang Master Showman dahil sa "over fatigue" o matinding pagod.

Sa ngayon, maayos na ang kanyang kalagayan at nakakausap na muli, subalit ipinagbabawal muna ang pagbisita sa kanya upang mabigyan ng pagkakataong makapagpahinga, dagdag ni Fajardo. — Erwin Santiago/PEP.Ph, with a report from Amanda Fernandez/LBG GMA News