Top stylist, makeup artist rave about Maine Mendoza: 'Humble, classy, intelligent'

 

Bukod sa pinagbibidahan niyang kalyeserye sa noontime show na Eat Bulaga, sunod-sunod na rin ang endorsements at iba pang showbiz commitments ng Dubsmash Queen at Kalyeserye sweetheat na si Maine Mendoza a.k.a. Yaya Dub.

 

Dahil isa na siya sa itinuturing na fastest-rising star, halos araw-araw na ring napapalibutan ng glam team si Yaya Dub.

 

Ibinahagi ng celebrity stylist na si Liz Uy at celebrity make up artist na si Krist Bansuelo ang kanilang karanasan nang makatrabaho ang Dubsmash Queen, na ibang-iba raw ang personalidad sa harap ng camera at sa likod nito.

 

Ayon kay Krist, very professional si Maine at sa katunayan, kasabay niya pa halos dumating ang production team noong nag-shoot sila para sa commercial ng isang fastfood restaurant. 

 

Kahit kinakailangan niya pang maghintay para makapag-setup, wala raw narinig na anomang reklamo mula sa dalaga.

 

“Para siyang bata. Hindi umaangal and work is work talaga. She's very professional and she just listens to the directors,” kwento ni Krist.

 

Sabi naman ni Liz, “Maine is very professional, and she delivers. Heard from her first major endorsement that the TVC translated to sales.”

 

Very light to work with

 

Tila hindi pa rin daw si sanay si Maine sa tinatamasa niyang kasikatan ngayon, kahit na inamin niyang pangarap niya talagang maging isang artista mula pagkabata.

 

"She's very light to work with. I think, hindi pa nagse-settle sa kaniya na sikat na siya, and I think it will never get to her head. She's very grounded. Parang conscious pa nga sa pagpapaganda, eh," ayon kay Krist.

 

Hirap nga raw kumuha si Krist ng glam shot ni Maine dahil mas sanay pa rin itong mag-wacky. 

 

Dagdag pa rito ni Liz, “Maine is very naive with what's been happening to her (career wise). At first very shy towards me but now slowly warming up. She's real, we talked about our experiences in college since we both took the same course and graduated from DLSU-CSB.”

 

Kahit na may pagkamahiyain, classy pa rin daw ang dating ni Maine, kaiba sa magaslaw na si Yaya Dub sa Kalyeserye. Gayunpaman, hindi raw nawawala ang pagiging masayahin at pagiging palakaibigan nito.

 

Sa katunayan, naging kaibigan at kakuwentuhan nga raw niya ang personal assistant ni Krist na si Taba Tina.

 

Kwento ni Krist, "Classy talaga siya. Kumbaga, hindi jologs. And I think she is very intelligent. Madali siyang makakuha ng directions, like she takes it in a stride," ayon kay Krist.

 

Dagdag pa niya, “Hindi siya namimili ng tao na pakikisamahan. You would really see na she has a good heart. Sabi nga nila, 'It's how you deal with people who have nothing to give you that determines your character.' She does not have an air of being a superstar in her."

 

Ibinuking rin ng make up artist ang tunay na tunog ng boses ni Yaya Dub.

 

“May pagkapaos ang boses niya, eh. Parang si Marian Rivera,” aniya. —JST, GMA News