Karamihan sa atin ay lumaki sa piling ng ating mga magulang, at ang ilan ay suwerte na lumaki na kasama rin ang kanilang mga lolo at lola.
Ngunit mayroon ding ilan na hindi man nabigyan ng pagkakataong maalagaan o makapiling ang kanilang nanay at tatay habang lumalaki sila, ay mapalad pa rin naman dahil sila'y minahal at pinalaki ng kanilang mga lolo at lola.
Ang ilan sa kanila maagang pumanaw ang magulang, samantalang ang ilan naman ay nagkahiwalay ang nanay at tatay, o may magulang na overseas Filipino worker.
Iba't iba man ang dahilan ng kanilang pagkakawalay sa kanilang mga magulang, sila'y biniyayaan pa rin ng ekstraordinaryong pagmamahal at pag-aaruga ng kanilang lolo at lola.
Kilalanin ang mga artistang lumaki sa piling ng kanilang lolo at lola sa gallery na ito.
Ang Kapuso Primetime Queen na si Marian Rivera ay lumaki sa kanyang Lola Francisca.
Noong 2016, sa kanyang programang ''Yan Ang Morning,' tinawag ni Marian Rivera ang kanyang Lola Iska na “#BuhayKo.”
Ang 'The World Between Us' star na si Alden Richards ay isa rin sa mga artistang laki sa lola.
Sa commercial ng isang gamot kung saan kasama ni Alden Richards ang kanyang Lola Linda, ikinuwento ng Asia's Multimedia Star na simula noong pumanaw ang kanyang ina, ang Lola Linda na niya ang tumayong pangalawang nanay niya.
Ang 'Legal Wives' star na si Bianca Umali ay certified laki sa lola.
Maagang naulila si Bianca Umali. Pumanaw ang kanyang ina dahil sa sakit na breast cancer noong 2005, samantalang heart attack naman ang ikinamatay ng kanyang ama noong 2007. Simula noon, ang kanyang Lola Vicky na ang tumayong magulang niya.
Noong nakaraang Mother's Day, ginaya ni Bianca Umali ang porma ng kanyang lola na tinatawag din niyang Mama Vicky.
Mayroon ding mga nakatutuwang wacky photos sina Bianca Umali at kanyang Lola Vicky.
Ang 'Bubble Gang' actress na si Kim Domingo ay lumaki rin sa kanyang lola.
Simula nang maghiwalay ang magulang ni Kim Domingo ay ang lola niya na ang nag-aruga at nagpalaki sa kanya.
Ang 'Nagbabagang Luha' actor na si Royce Cabrera ay lumaki sa piling ng kanyang lolo at lola.
Maliit pa lang si Royce ay nagkahiwalay na ang kanyang mga magulang, kaya ang kanyang lolo at lola ang nag-alaga at nagpalaki sa kanya.
Si Royce Cabrera noong sanggol pa lamang siya at inaalagaan ng kanyang lolo at lola.
Sa kanilang 'Tunay na Buhay' interview, sinabi ng lola ni Royce Cabrera na si Susan Jimena na proud siya sa kanyang apo na natupad na ang pangarap na maging artista.
Laki rin sa lolo at lola ang 'Bubble Gang' actor na si Sef Cadayona.
Sa programa ni Kara David noon na 'Dream Home,' ikinuwento ni Sef Cadayona na dahil single working mom noon ang kanyang ina, ang kayang lolo at lola ang palaging nag-aalaga sa kanya.
Noong November 2020, sinorpresa ni Sef Cadayona ang kanyang lola.
Ang 'Descendants of the Sun PH' actress na si Reese Tuazon ay laki sa lola.
Sa exclusive interview with GMANetwork.com, sinabi ni Reese Tuazon na simula sanggol pa lang siya ay lola na niya ang tumayong magulang niya, kaya itinuturing niya itong kanyang female hero.
Ang 'Legal Wives' actor na si Jay Arcilla ay laki rin sa lola at lolo.
Sa kanyang guest appearance noon sa ''Yan Ang Morning' noong 2016, sinabi ni Jay Arcilla na ang kanyang Lola Lourdes at ang namayapa niyang lolo ang tumulong upang makapag-aral silang magkapatid.