LOOK: Ken Chan meets his Thai fan
Tuwang-tuwa si Ken Chan nang makilala ang isang Thai fan na binisita siya habang nasa Bangkok, Thailand.
Kuwento ni Ken sa isang Instagram post, dinalaw siya ng Thai fan, na may dalang mga regalo. Excited na rin daw itong mapanood ang upcoming GMA Telebabad show ni Ken na One of the Baes.
“Good morning guys! Share ko lang: May na-meet akong fan dito sa Thailand at talagang isa siyang Thai.
“Nakakatuwa kasi binigyan niya ako ng mga gifts at isa sa binigay niya sa akin ay mga puzzle ships kasi inaabangan na daw niya ang ONE OF THE BAES!
Thankful din si Ken, na hanggang sa Thailand ay may mga nakakaalam ng kaniyang programa na pagbibidahan niya kasama si Rita Daniela.
“Nakakatuwa lang na hangang dito sa Thailand, alam na nila ang ONE OF THE BAES. Khap Khun Krap Thailand! #BangkokThailand”
Kasalukuyang nasa Thailand si Ken para i-promote ang kaniyang dating drama series na Destiny Rose at Meant to Be na ipalalabas na sa sa ilalim ng JKN Global Media, ang global partner ng GMA Worldwide sa Thailand.
Kasama ni Ken sina Alden Richards, at Dennis Trillo na nasa Thailand din para sa i-promote ang kanilang dating teleseryeng Destined To Be Yours at My Faithful Husband.
WATCH: Ken Chan, 2 buwan inaral ang Thai theme song ng 'Destiny Rose'