LIST: Most-loved Kapuso movies na mapapanood sa YouTube Super Stream

Nakipag-partner ang GMA Network sa inilunsad na “Super Stream” ng YouTube kaya muli nang mapapanonood ang ilang hit Kapuso movie nang libre!

Ayon sa Chika Minute report ni Nelson Canlas, kabilang sa mga ipalalabas sa Super Stream ng GMA Network sa unang Linggo ng Setyembre ang “Mulawin The Movie,” “Meant To Beh,” “Instant Mommy,” “Above the Clouds,” “Overtime” “Sana Dati,” “Asintado,” at “Spirit of the Glass 2.”

Mapapanood din ang comedy films na “Enteng Kabisote 10 and the Abangers,” “Si Agimat at si Enteng Kabisote,” “Sosy Problems,” “Kiko En Lala,” “I Will Always Love You” at “Barbi D' Wonder Beki.”

Bukod dito, pwede na ring balikan ang TV series na “Dragon Lady,” “The Half Sisters,” “Anak ni Waray vs Anak ni Biday,” “Bilangin ang Bituin sa Langit” “T.G.I.S.,” at “Love of My Life” sa naturang video-sharing platform.

Maaaring mag-binge-watch ang users ng higit sa 300 oras para sa local video content.

Balikan ang mga pumatok na Kapuso movies at programs sa opisyal na YouTube channel ng GMA Network.