Myrtle Sarrosa, nagpasalamat sa suportang natanggap sa 'Myrtle: Still Love Me' virtual concert

Napanood na kagabi, November 28, ang solo virtual concert ni Myrtle Sarrosa na Myrtle: Still Love Me.

Sa concert na ito ay ibinida ni Myrtle ang kanyang mga kanta tulad ng "Still Love Me," "Label," at iba pang mga hit songs tulad ng Ice Cream at Dynamite.

Photo source: @myrtlegail

Napanood rin sa virtual concert ang singer na si Gerald Santos. Bukod sa kanyang solo performance, nag-duet rin sila ni Myrtle ng "All I Ask of You" mula sa The Phantom of the Opera.

Nakasama pa ni Myrtle ang producer niyang si Atty. Ferdinand Topacio at mayroon ring inihandang special performance. Si Atty. Topacio ang may-ari ng Borracho Film Production.

Saad ni Myrtle sa kanyang mga fans na nanood ng concert ay ang kanyang pagpapasalamat sa suporta na natanggap niya simula nang pumasok siya sa showbiz.

"Truth be told, when I got into this industry, I got here because of the love and support na ibinibigay ninyo sa akin. Hindi ako makakapasok dito and to perform in front of you if not because of everyone. Kaya naman I can't thank you enough for still loving me after all these years."

Bukod sa kanyang pasasalamat ay inamin niyang hindi madali ang kanyang journey sa showbiz. Kaya naman umaasa umano si Myrtle na sana ay patuloy siyang samahan ng mga fans saan man siya mapunta.

"It's not easy but to find people who still love me has made me even more grateful. Kaya naman thank you, and please continue to join me in this very challenging yet exciting journey."

What inspires Myrtle Sarrosa's songwriting?

From game streaming to vlogging? "Game naman ako" says Myrtle Sarrosa