Kylie Padilla thanks 'Unravel' team as movie shooting ends

Puno ng pasasalamat si Kapuso actress Kylie Padilla sa mga nakasama at nakatrabaho niya para sa upcoming film na Unravel.

Ang Unravel ang bagong proyekto ni Kylie kasama ang Kapamilya actor na si Gerald Anderson. Sa pelikulang ito ng Mavx Productions, Inc., gagampanan nina Kylie at Gerald ang karakter nina Lucy at Noah.

Sa Instagram, ipinarating ni Kylie ang pasasalamat sa Unravel team para sa isa na namang hindi malilimutang proyekto.

"Unravel last day today. I learnt so much from this experience. Most especially in my craft. I am incredibly grateful and I am looking forward to making more movies with you. More baliwan and fun moments with you guys please!" sulat ni Kylie.

Dagdag niya, "Thank you for giving me the opportunity to experience Switzerland and to work with one of my idols haha."

Hulyo nang lumipad si Kylie papuntang Switzerland para sa nasabing pelikula.

Samantala, subaybayan si Kylie sa huling tatlong linggo ng Bolera, Lunes hanggang Biyernes, 8:50 p.m. sa GMA Telebabad.

TINGNAN ANG PICTURE-PERFECT SNAPS NI KYLIE PADILLA SA SWITZERLAND DITO: