Dagul, emosyonal nang manalo ang pamilya ng PhP200,000 jackpot prize sa 'Family Feud'

Naging emosyonal ang batikang komedyante na si Dagul Pastrana nang manalo ang kaniyang pamilya ng PhP200,000 jackpot prize sa kanilang paglalaro sa Family Feud kasama ang game master na si Dingdong Dantes sa episode ng game show ngayong Lunes, August 15.

Hindi naitago ni Dagul ang kanyang emosyon nang tanungin siya ni Dingdong kung ano ang kanyang masasabi sa kanilang pagkapanalo.

Aniya, "Ako po ay nagpapasalamat sa Family Feud na nabigyan ako ng pagkakataon na makapaglaro kami dito malaking bagay po ito para sa amin. Maraming salamat po."

Sa nasabing episode ng Family Feud, nakalaban ng pamilya ni Dagul ang pamilya ng singer-vlogger na si Lyca Gairanod.

Dikit ang labanan ng dalawang team sa first and second round pero nakabawi ang team Pastrana sa mga sumunod na round hanggang sa umabot sila sa fast money round kung saan nakakuha sila ng 214 points na lagpas pa sa kinakailangang score upang makuha ang jackpot prize na PhP200,000.

Makakatanggap naman ng PhP20,000 ang United Foundation bilang napiling beneficiary ng team Pastrana family.

Tumutok naman sa Family Feud, Lunes hanggang Biyernes, 5:45 ng hapon sa GMA.

SILIPIN NAMAN ANG MGA LARAWAN SA EPISODE NG #MPK TAMPOK ANG KUWENTO NI DAGUL SA GALLERY NA ITO: