David Licauco, may pakilig na banat kay Barbie Forteza: 'Maaari bang ako na lang?'

Maraming netizens ang kinikilig ngayon sa FiLay loveteam nina Fidel at Klay, na ginagampanan nina David Licauco at Barbie Forteza sa historical portal fantasy series na Maria Clara at Ibarra.

Sa Twitter, ibinahagi ni David ang behind-the-scene photos nila ni Barbie sa isang eksena sa ika-30 episode ng Maria Clara at Ibarra noong Biyernes, November 11.

Ang eksenang ito ay mula sa naging panghaharana ni Crisostomo Ibarra (Dennis Trillo) kay Maria Clara (Julie Anne San Jose), na naisip na paraan nina Fidel at Klay para muling magkaayos ang magkasintahan.

Habang patagong pinagmamasdan ang panghaharana ni Ibarra kay Maria Clara, hindi naiwasang mapaluha ni Klay, na siya namang nakita ni Fidel habang naggigitara.

Maraming netizens ang naka-relate at kinilig sa caption ni David sa eksenang ito, aniya, "Maari bang ako nalang?"

Patuloy na subaybayan sina Barbie at David sa Maria Clara at Ibarra, Lunes hanggang Biyernes, 8:00 p.m. sa GMA Telebabad.

KILALANIN SI DAVID LICAUCO SA GALLERY NA ITO: