Biri Island, Samar, bibisitahin ni Biyahero Drew ngayong February 27

Biyahe ni Drew: Biri Island, Samar
Biyernes, February 27, 2015
8 pm on GMA News TV

Tuloy-tuloy ang island-hopping adventure ni Biyahero Drew Arellano.  Sa Biyernes, sa Biri Island sa Northern Samar ang destinasyon niya!
 


Kasama ang Biri Island sa Top 10 Hidden Gems of the Philippines.  Idineklara rin itong protected seascape and landscape ng Department of Environment and Natural Resources noong 2000.
 


Siyempre, ang number one attraction sa Biri ay ang mga rock formation na nakapaligid sa isla. Mala-Batanes ang dating ng mga ito na picture-perfect lalo na kapag dapithapon. Sa Magasang, bukod sa sight-seeing, rekomendado ring mag-swimming sa natural salt water pool nito.   Pero kung diving naman ang hilig mo, hindi rin magpapatalo ang Biri diyan.
 


Hitik na hitik sa yamang-dagat ang karagatang nakapalibot sa isla. Kaya magsasawa ka raw talaga sa sariwang seafood dito!  Siyempre, titikman lahat ni Biyahero Drew ‘yan:  mapa-lobster man, alimango o tuna.
 


Hindi na nakapagtataka kung bakit manamis-namis ang seafood sa Biri.  Ang karagatan dito, alagang-alaga kasi ng mga lokal at regular pang nililinis! Masasaksihan ito ni Drew sa pagsama niya sa clean-up activity ng Biri Initiative, isang NGO na nagsusumikap panatilihin ang kalinisan ng karagatan.
 
Sama na sa Biyahe ni Drew,  Biyernes, 8PM sa GMA News TV.