Fashbook All Star Makeover: Kristofer Martin and Joyce Ching

FASHBOOK ALL STAR MAKEOVER

Joyce Ching and Kristofer Martin

Date of Airing: September 5, 2012

 

Ngayong Miyerkules sa Fashbook, pagsasama-samahin muli ni Solenn Heussaff ang mga magagaling at kilala sa mundo ng beauty at fashion para sa isa na namang Fashbook All Star Makeover. At ang isasalang para sa isang glamorosang makeover ay ang Tween stars at magka-love team na sina Kristofer Martin at Joyce Ching.

Sa tulong ng fashion designer na si Arnold Galang, make-up artist na si Dino Lazaro, hairstylist na si Mark Baquiran at photographer na si Louie Aguinaldo, babaguhin at mas lalong palulutangin ang kagwapuhan at kagandahan nila Kristofer at Joyce. 

 

Pero bukod sa glamorous makeover, mayroon ding challenge para kina Kristofer at Joyce. Sa kanilang pangalawang pictorial, magpapalit sila ng look. Susubukan ng Fashbook ang galing nila sa pag-arte at pag-project dahil si Kristofer naman ang magbibihis pang-babae at si Joyce naman ang magbibihis pang-lalaki!

 

Mapapanood ang lahat ng iyan ngayon Miyerkules sa Fashbook, ika-sampu ng gabi pagkatapos ng SONA sa GMA News TV.