Hot hotdog recipes at super sopas sa 'Good News'

Hot hotdog recipes

Ang paboritong hotdog ng mga chikiting, gagawin nating mas healthy at exciting! Siguradong hindi mabibitin ang inyong anak sa sarap at sustansiya ng Hotdog with Veggies.  Pagdating naman sa kabusugan at kalusugan, walang tatalo sa hotdog na pinalamanan ng patatas at keso!
 
Jackets na malupit

Bukod sa pagbibigay proteksyon sa ulan at sa lamig, isa ring fashionable item ang jacket!  Para maging bongga ang porma ngayong rainy season, bibigyan natin ng panibagong buhay ang mga lumang jacket.  Mapa-peplum style man o mapa-edgy ang look, siguradong may jacket na na perfect pang-rampa anuman ang panahon!
 
DIY hair dye

Bigyang kulay ang buhok minus the harmful chemicals.  Aalamin natin kung paano gumawa ng sariling hair dye na hindi lang pasok sa budget, all-natural pa ang mga sangkap! Hindi lang gaganda ang inyong buhok, siguradong magiging healthier din ito!
 
Plastic walastik

Ang mga gamit na plastic spoon at fork, imbis na makapinsala sa kalikasan, pwede pa ulit mapakinabangan. Kasama ni Love Anover, aalamin natin kung paano ito gamitin para pagandahin ang tahanan...at take note, pwede pa itong pagkakitaan!

Soup-er sopas

Ang mga sopas na malinamnam, hit na hit ngayong tag-ulan.  Para maiba naman, mga sopas mula sa iba't ibang bahagi ng mundo ang ating titikman.  Kakaiba ang kanilang mga lasa at sangkap--gaya ng black chicken na mula pa sa China, cogon grass, at ang paborito ng mga Koreano--ang spicy kimchi!