Underwater activities at vintage fashion sa 'Good News'

Ang santol, hindi lang sa asin perfect ipang-partner. Ang sarap-asim nito, perfect din daw ihalo sa mga putahe tulad ng mala-bicol express na ulam, at paksiw na isda! Pero kung dessert naman ang inyong hinahanap, subukan ang kakaibang pie na pinalamanan ng santol jam.

Vintage fashion
 
Ang mga nauso noong mga dekada sesenta hanggang ochenta, sa bagong milenya, muling bibida!  Alamin kung paano bigyan ng modern makeover ang mga lumang kasuotan gaya ng padded blouses at bell bottoms. Sa paggamit ng creativity, ang mga damit na 'to, muling magiging trendy!
 
Herb-ilicious
 
Sandamakmak ang mga herb na pagpipilian.  Pero sa pagluluto, bawat isa sa kanila, may pinagbabagayan. Alamin kung paano pasasarapin ng rosemary, dill at basil ang ating paboritong meals! At ang dagdag na good news, ang mga herb na 'to, pwedeng gamiting home remedy!
 
Underwater fun
 
Kung sawa na kayo sa simpleng swimming bilang workout, heto ang mga fitness regimen na kakaiba at ginagawa sa tubig!  Sundan si Good News Girl Bea sa kanyang mala-dyesebel na adventure.  Sinubukan din niya ang isang water workout na pinagbibidahan ng belly dancing!
 
Mommy-friendly home repair
 
Ang mga tatay, expert sa pag-aayos ng mga sirang kasangkapan.  Pero salamat sa mga simpleng tip, pati si nanay, pwede na ring bumida sa home repair. Hindi na niya kakailanganin ang tool box dahil ang kanyang mga sandata, mga pampaganda tulad ng nail polish, stockings at lip balm!