Ilang problema sa balat bibigyang solusyon ng 'Good News'

Bread Winner!

Ang tinapay na patok sa ating panlasa, may iba't ibang version sa sari-saring bansa! Kaya naman lumipad ang ating taste buds sa Japan, Korea, France at Italy para tikman ang mga bread nilang yummy. At ang good news, ang lahat ng mga ito, matatagpuan sa mga kainan dito lang sa metro.

Homemade Sausages!

Ang mga imported sausage na madalas nating binibili, pwede na nating gawin, mga mommy! Sa tulong ng aming kitchen expert, tuturuan namin kayong gumawa ng Italian Sausage, ang Lap Cheong na isang Chinese Sausage, and our very own Cebu Longganisa! Ang mga ito, pwedeng inegosyo o ihain sa pamilya!


Skin Solutions!

May problema sa balat ba kayong iniinda? Hindi n'yo na kailangang pumunta sa derma! Ang mga solusyon sa mga skin problem tulad ng kalyo, oily skin, warts at dandruff, matatagpuan lang sa ating mga kusina! Alamin ang bisa ng mga karaniwang sangkap tulad ng suka, calamansi at tinapay sa pagpapaganda ng ating balat!


Anti-Amag!

Ang amag na nagsisilabasan 'pag tag-ulan, atin nang tataningan. Mamahay man mga ito sa inyong mga damit, kahoy at dingding, hatid namin ang mga solusyon para sila'y puksain. At ang good news, simple lang ang mga gagamitin nating panangga--tulad ng calamansi, bleach at suka!

Bayaning Magbabalut (part 2)

Si Mang Adriano na masipag na magbabalut, patuloy ang pagkayod sa kabila ng glaucoma at naglalakihang ugat sa paa. Kaya naman para siya'y makapagpahinga, sinurpresa siya ng Good News Team! Ang ilan sa mga munti naming regalo--libreng check up sa doctor, libreng negosyo at mga gamit pang-eskwela ng kaniyang anak.