Hebigat Riders, haharurot sa 'Motorcycle Diaries'

Pagdating sa pagmomotorsiklo, hindi nawawala sa uso ang mga classic o vintage look. Para makumpleto ang pormang classic sa pagmomotor, ang mga nirestore na lumang motorsiklo pinalagyan pa ng leather accessories o mga kagamitang yari sa katad. Kung gusto mo namang lumutang ang ganda ng iyong leather accessories, pwede mo itong paukitan ng disenyo sa pamamagitan ng leather art! Samahan si Jay bisitahin ang isang sikat na leather artist na si Acidhead Basilio.

Nakilala rin ni Jay ang ilang stunt riders sa Bulacan. Animo’y mga sirkerong de-motor ang mga rider na ito. Pagdating sa pasiklaban, wala raw silang kinatatakutan! Ating kilalanin ang X-Team Riders!

 

Sa bawat paglalakbay, baon naman nila ang isang mabigat at mahalagang misyon, ang magpalaganap ng pag-asa at inspirasyon sa gitna ng mga hamon ng buhay. Layunin nilang ipalaganap ang salita ng Diyos sa pamamagitan ng pamamahagi ng Bibliya.

 

Angkas na sa isang  ispiritwal at makabuluhang biyahe kasama ng  mga Word Riders Philippines!
Tutok na ngayong Huwebes 10PM, sa GMA News TV channel 11 sa New York Festivals World Bronze Medalist, ang Motorcycle Diaries: Live the Ride!