Kwen-Tula sa 'lumang' Bayani

Kwen-Tula Andres Bonifacio atapang atao Aputol ah ulo hindi atakbo Ah putol ah kamay hindi atakbo Ahhh sa mga katagang iyan ikaw ay una kong nasilayan ‘Yan ang bayaning totoo walang takot kahit kanino man Pero bakit ? Anong nangyari sa’yo? O BAYANI ko, Tila nakalimutan ka na nga ba ng mga Filipino? Mukha mo dati ang laki nasa limang piso Pero ngayon pinalitan pa ni Aguinaldo Na tila baga s’ya pa yata ang nagpasalvage sa’yo? Iyan ay ayon sa WIKIPEDIA mo , O pare kong ANDRES BONIFACIO Hu hu hu hanggang d’yan na lang muna ang tanong ko Ayaw ko kasing madawit sa kontrobersyang ito Pero kung may panahon ka ANDRES na BAYANI KO Sa panaginip ko na lang pwede bang ibulong mo , He he he ngunit huwag na huwag kang magMUMULTO Pagkat ayaw kong mapaihi sa boxer shorts ko... nyaaahhhh!!! Palagay ko panahon na sa inyo para ilahad Kung sino itong si Pareng Andres Supremo na walang katulad Siyay batang tondo mabilis namukadkad Dahil siya’y masipag at matyaga maraming bagay natutunan nya agad Magulang nya sila Santiago at Catalina, na talaga namang nangalay Nang lumabas si Andres na s’ya nilang panganay At nang una nilang masilay’ nasambit agad “may kakaiba siyang taglay" Nang ang mga magulang ay mawala, dalawang kapatid nya kanyang inaruga Nang maglaon sa sariling pagbabata, Iba’t-ibang lenguahe kanyang naunawa Mga batas Konstitusyon, Les Miserables ang aklat niya Iyon ay kanyang minaster hanggang sa huling pahina Nang unang niyang makita si Dr. Pio (Valenzuela) at Emilio (Jacinto) na kanyang tropa Parang ng TVJ ang samahan walang iwanan kahit sa’n mapunta At kanila ngang itinatag KKK laban sa mga Kastila Na sekretong kumikilos laban sa mga banyaga Dun ay nakilala at nakursunada nya, itong si Gregoria (De Jesus) Na s’yang “runner" ng dokomento ng Kartilya Na maglalao’y naging kapisan at na-preggy nya Ngunit sa kasamaang palad, anak na magmamana ng lahat Sa mundong ito, mga mata’y hindi man lang naimulat, Kaya ang lahi ni Pareng Andres ay hindi nangalat Talaga nga yatang ang Pilipinas ay minamalas Pagkat lahing magilas na sa BAYAN ay dapat Hindi man lamang natin ito nadanas…ngeeek !!! At nang maglaon Katipunan ay yumabong Maraming Filipino na talaga namang sumulong Pangalang Supremo ay mabilis na dumagundong Sigaw ng Pugad Lawin agad umaksyon Nataranta buong sibilisasyon kaya mga Kastila hinanda agad ang kanyon Pero itong si Andres walang takot, at hindi tumikom Dun sa Balintawag pa nagprusisyon… At sa Cavite si Andres ay pinatawag Para namumuong tensyon ay bigyan liwanag Pero ito yata ay tila naging isang patibong Sapagkat mga katoto ay nagpilit sa isang eleksyon Ang kawawang BAYANI ko pinagbigyan ang hamon At biglang nagkagulo Magdiwang at Magdalo na paksyon Kaya ang Supremo ay nagsalita “Igalang kung ano Konklusyon!" Nang matapos ang eleksyon, si Andres, nakuha ay Ika–apat na posisyon Sa kadahilinang siya’y may honor ay iginalang n’ya ito Pero isang Heneral na nagngangalang Mariano (Alvarez) Na nagsabing “Hindi dapat ito! Sya ay Supremo! Kaya dapat siya’y pinakamataas na pwesto! “ Ngunit ang BAYANI ko, pinigil ito at iginalang Kung anong lumabas sa mga resibo Subalit kamay may nagtaas Isang Daniel Tirona na mapangahas Nilait kapasidad ni Pareng Andres ko, Hindi raw sya karapatdapat sa ika-apat na pwesto. O ano ito?! Ang dahil walang aral at hindi raw sya abogado... ngeeek!!! Uminit ang ulo nitong si Supremo binunot ang baril at pinagbantaan ito Ang mga sumunod na nangyari masyadong kontroberyal Kaya kayo na lang kaya ang mag-aral... Ha Ha Ha! Eto na eto na, ang karugtong, si Andres hinuli ng mga pulutong Nilitis pati si Poging Piong (Procopio Bonifacio) sa maraming kaso na ipinatong Doon sa Bundok Buntis sa Maragondon binaril, iniwan at doon na lamang ibinaon Si Andres na nagbigay laya sa BANSA na parang ibon.... Gusto ko pang magpatawa pero hindi ko makaya Sa tuwing naaalala ko nangyari sa kanya Pati kasi itong si Gregoria na asawa niya Tinangay at kinana ni Jose Abad BAD na abogado nya whhaaaaa!!! Kaya hiling ng alam kong nakararami Sa Philippine Peso ibalik mukha ng aming BAYANI Wish Ko Lang sa mga kongresistang bugoy na walang ginawa sa session kungdi manguyakoy Oras na para bigyan ng meeting ang tungkol sa Supremaong Magiting Tutal maraming magulang dito sa atin, ipabasa ninyo ito nang magaling Sa mga anak ninyong paslit na nag- start ng mag-schooling Pero ‘Yo! Andy na ngalan mo mas gusto kong sambitin Para naman so sossy like Brad Pitt ka na rin, Ayan Andy B. binalik ko na tindig mong magaling Kaya ituloy mo na dyan sa langit ang pagbo-ballroom dancing, Malamang sa ngayon, ang iyong ngiti at iyong paggiling Ang mga dance move ni J.LO ay magmumukhang chikiting …YO!!! Juan Kalipulako Magdiwang Contingency Operating Base Basra, Iraq