Overloaded Burger, Win na Inihaw at Kumikitang Bahay Bakasyunan, bibida sa 'Pera Paraan' ngayong Sabado!

Pera Paraan
Overloaded Burger, Inihaw For the Win at Kumpletong Bahay Bakasyunan
Date of Airing: May 14, 2022

Kilalanin ang mga negosyong nagsimula sa maliit pero ngayo’y malaki na ang kita!

Nagsimula sa paglalako ng sariwang bangus si Aling Nita. Dito niya rin nakilala ang mister niyang si Mang Boy. Mula sa paglalako, naisipan nilang magtayo ng maliit na kainan. Nang dumating ang pandemiya, hindi sila nagpatalo Ano kayang diskarte ang ginawa nila at mayroon na silang anim na branch ngayon?

Samantala, ang magkasintahang Wilma at Javier overloaded ang diskarte. Literal na ginawa nilang overloaded ang kanilang bentang mga burger! Nagsimula sa puhunang 5,000 pesos, pero ngayon may kita na silang halos 30,000 pesos bawat buwan.

Kung gusto n’yo namang magbakasyon ang inyong pamilya sa isang private na bakasyunan, puwedeng-puwede sa Charito’s Garden. May swimming pool, camping area at tagaluto pa! Ang maganda pa rito, kasya ang 10-12 na tao!

Kaya laging tandaan, pera lang iyan, kayang-kayang gawan ng paraan! Abangan iyan tuwing Sabado 10:45 ng umaga sa GMA!