Mga kuwentong kababalaghan sa bayan ni Juan, alamin sa 'i Juander!'

Published October 2, 2018 6:42pm

Ang bawat probinsya sa bayan ni Juan, may kanya-kanyang pagkakakilanlan. Pero bukod sa masasarap na pagkain, magagandang atraksyon at mayamang kultura, iniuugnay din sa kanila ang iba’t ibang kuwento ng kababalaghan at nakapangingilabot na mga paniniwala.

Takaw-aksidente ang Old Zigzag Road sa bayan ng Atimonan, Quezon na kilala rin sa tawag na “Bitukang Manok.” Pero hindi raw dahil sa puro pakurbada ang daan, kundi dahil sa nilalang na kung tawagin ng mga taga-rito'y si “black man” na siyang nagpapakita raw sa mga motorista at nagdudulot ng aksidente. Samantalang sa isang tulay naman sa Tayabas, may white lady raw na nagbabantay.

Alamin din ang katotohanan sa likod ng nakapangingilabot na kuwento ni Maria Labo, ang aswang na 'di umano'y pinatay at kinain mismo ang kanyang mga anak. Sa pakikipag-unayan ng I Juander team sa regional police station ng Iloilo at Capiz kung saan sinasabing nagmula ang kuwento ni Maria Labo. Ano kaya ang kanilang matutuklasan?

Samahan sina Susan Enriquez at Cesar Apolinario Tiyaking may kasama kapag tumutok sa I Juander ngayong Miyerkules, alas otso nang gabi sa GMA News TV. At alamin ang sagot sa tanong ni Juan:

"I Juander, ano-ano ang mga kuwento ng kababalaghan sa bayan ni Juan?"

Every province has its own identity. But aside from the delectable foods, beautiful attractions and rich culture, they are also linked to stories of mystery.

The old zigzag road in Atimonan, Quezon is accident prone. Not because of its curve road structure, but the believe it is because of a mysterious creature. People are sharing stories about sighting of a “black man” that is believed to be causing the accident in the place. While a White lady is believed to be guarding the bridge in Tayabas.

Discover the story behind a ghost named Maria Labo that is believed to have been killed and ate her children. To find out the truth behind the story, I Juander team coordinated with the Regional Police Station of Iloilo and Capiz, the place where the story was originated.

Join Susan Enriquez and Cesar Apolinario this Wednesday eight o’clock in the evening on GMA News TV, as they answer the question:

"I Juander, what are the different mysterious stories in the country?"

Tags: ijuander, susanenriquez, cesarapolinario, gmanewstv, gmanetwork