Mga putaheng pinalinamnam ng talangka, ihahain sa 'Pinas Sarap'

Ngayong Huwebes, lalantakan naman natin ang isang uri ng crab na ‘di hamak na mas maliit sa alimango at alimasag, pero hindi naman magpapahuli sa sarap. Dahil pinagkaitan man sa sukat, sagana naman ito sa taba o aligue na nagpapasarap sa maraming putahe. Samahan si Kara David sa Pampanga para alamin at tikman ang iba’t ibang lutuing pinasarap ng taba ng talangka.

Pinakamalaking bagsakan ng talangka sa Pampanga ang bayan ng Sasmuan. Kaya naman hindi na nakapagtatakang masigla ang industriya ng pagbebenta ng aligue ng talangka. Paano nga ba nanghuhuli ng talangka at paano ginagawa ang crab paste na mula sa aligue? ‘Yan ang mga katanungang aalamin ni Kara ang kasagutan.

Sa dami ng aligue ng talangka sa Sasmuan, ang ilan sa ipinagmamalaki nilang putahe pinasarap nito, gaya ng aligue rice with crispy crablets, aligue sushi at aligue pasta. Pati ang mga gulay dish, mas pinalinamnam nila ng aligue tulad ng pinakbet with taba ng talangka at ginisang ampalaya with aligue ng talangka. Pati ang talangka pwede ring iluto at ulamin gaya ng ginataang talangka at binurong talangka.

Tutok na sa pinakamasarap na programa sa telebisyon, ang Pinas Sarap  ngayong Huwebes 10:15PM sa GMA News TV Channel 11!

English version:

This Thursday, we will devour a kind of crab that is smaller than mud crab and blue crab, but still tastes delicious. Despite its small size, crayfish is rich in crab fat that makes a dish rich in flavour. Join Kara David as she tries out various dishes with crayfish or small crabs in Pampanga.

The town of Sasmuan is the biggest seller of crayfish or small crabs in Pampanga. This place is also where the fat of crabs are extracted and sold. Kara will show how the crabs are caught and how they make crab paste from its fat.

Because of the abundance of crayfish in Sasmuan, some of the popular dishes here are cooked with crabs, like aligue rice with crispy crablets, aligue sushi and aligue pasta. Even their vegetable dishes, like pinakbet with aligue of crab paste and sauté bitter gourd with crab paste. Small crab dishes can be served with rice like crab in coconut milk and fermented crab.

Please watch the yummiest program on television, Pinas Sarap, Thursday, 10:15pm on GMA News TV channel 11!