Chibugan sa Boracay sa 'Pop Talk'

"Pop Talk"
Anniversary Special Part 1: Chibugan sa Boracay
March 29, 2014
8 PM, GMA News TV-11



Isang bonggang 2-part Anniversary Special ang inihanda ng "Pop Talk" para sa kaniyang 3rd year anniversary sa GMA News TV-11 mula sa tinaguriang ‘one of the best islands in the world’—ang Boracay.

Ngayong Sabado sa part 1 ay isasalang sa review ang tatlo sa pinakabagong international restaurants sa isla: ang ‘Tres Amigos Mexican Cantina’, ‘Thai Basil’, at ‘Cozina Authentic Spanish.’






Makakasama ng host na si Tonipet Gaba ang guest reviewers: isang backpacker, mommy at travel blogger ng ‘Pinay Travel Junkie’ na si Gay Emami-Mitra, ang Mutya It Kalibo Ati-atihan 2014 na si Abigail Seraspi, at ang Boracay-based teacher na si Philipp Heinz na isang German national.








Ang "Pop Talk" ay isang pop culture-review program kung saan pinag-uusapan at nirerebyu kung ano, sino, at saan ang hot, happening at trending ngayon. Kamakailan, tinanghal itong ‘Best Adult Educational Program’ sa 2013 Catholic Mass Media Awards (CMMA).

Bakasyon time na sa "Pop Talk" ‘Chibugan sa Boracay’ sa March 29, Sabado sa mas pinaaga at pinahabang timeslot na 8:00 pm–8:45 pm, sa GMA News TV-11!