Heidi Mendoza and Gen. Angelo Reyes

Episode on February 11, 2011 Friday after Saksi! Heidi Mendoza Matagal daw niyang itinikom ang kanyang bibig, nagbulag-bulagan at nagbingi-bingihan sa mga anomalyang nangyayari sa Armed Forces of the Philippines. Ngayon, mas handa na raw siyang isiwalat ang katotohan sa ngalan ng pagmamahal sa bayan. Siya ang dating Commission on Audit (COA) auditor na si Heidi Mendoza, palaban, emosyonal at ang sentro ngayon ng imbestigasyon sa mga alingasngas ‘di umano sa AFP. Kilalanin ang babae sa likod ng palabang auditor sa ulat ni Rhea Santos. Gen. Angelo Reyes Nakilala ng publiko si Angelo Reyes bilang Armed Forces of the Philippines Chief of Staff (AFP), Secretary of Defense, Secretary of Interior and Local Government (DILG) at Department of Environment and Natural Resources (DENR) Secretary, pero sino nga ba si Angelo Reyes sa mga taong lubos na nakakilala sa kanya? Sa kanyang nakakagulat na pamamaalam, isa-isahin ang mga tagumpay, kabiguan hanggang sa kamatayan na tinahak ng isang heneral ng minsan naging isa sa pinakamakapangyarihan tao sa ating bansa.