Cosplay Queen ng Pilipinas, kikilalanin sa 'Tunay na Buhay'

Ang Tunay na Buhay ni Alodia Gosiengfiao

Siya ang itinuturing na Cosplay Queen ng Pilipinas - walang iba kundi si Alodia Gosiengfiao. Talaga namang karir na karir ang kanyang mga costume na siya rin pala mismo ang gumagawa. Pero paano nga ba nahilig sa cosplay si Alodia?

Sa ngayon, marami na siyang ibang role na ginagampanan gaya ng pagiging artista, TV host at recording artist. Naging miyembro nga rin siya ng isang pop group na sumikat sa Japan.

Ano pa nga ba ang hindi alam ng marami sa likod ng maraming mukha ni Alodia Gosiengfiao? Aalamin yan ni Rhea Santos ngayong Miyerkules sa Tunay na Buhay.