MV Doña Paz survivor, hinahanap pa rin ng pamilya

Si Janet ay namamasukan noon sa Tacloban at kung minsan ay isinasama rin siya ng kanyang amo sa Maynila. Inilihim niya sa kanyang ama sa Samar ang malimit niyang pagbiyahe dahil baka hindi na siya payagan na magtrabaho. Taong 1987, sakay ng MV Doña Paz, patungo sana ng Maynila, naganap ang isa sa pinakamatinding trahedya sa laot, lumubog ang barko. Na-alala pa niya na inabot sa kanya ng kanyang amo ang life-vest kaya siya nakaligtas. Matapos ang mapait na kabanatang iyon, patuloy pa rin na nanilbihan si Janet sa pamilya ng kanyang amo at naki-usap na huwag ipa-alam sa kanyang tatay ang aksidente. Siya na lang daw ang magsasabi kapag naka-ipon na ng lakas ng loob. Ngunit bumilang ng maraming taon at hindi pa rin siya nakabalik sa kanyang pamilya sa Samar.