Raymart breaks his silence, defends wife Claudine

Nagsalita na si Raymart Santiago para ipagtanggol ang asawang si Claudine Barretto laban sa kumakalat na intriga na may relasyon ang aktres sa matalik na kaibigan ng aktor. Sa isang pahayag, iniulat sa Chika Minute ng GMA news 24 Oras nitong Biyernes, na itinanggi ni Raymart ang mga lumalabas na intriga na may relasyon si Claudine sa kaibigan niyang si Martin Castro. Katunayan, bago pa man umano lumabas ang tsismis laban sa kanyang asawa, nagkausap na sila ni Martin para itanggi ang lalabas na intriga laban sa aktres. (Basahin: Claudine says Angelica out to ruin Derek's friendships) “Noon pa mang ‘di pa lumalabas ang balita ay tumawag na mismo si Martin…siya ang nagsabi na walang katotohanan ang lalabas na tsismis. Sabi niya, “pare hindi ko magagawa sa iyo ‘yan. Kilala mo naman ako," pahayag ni Raymart.
For the latest Philippine news stories and videos, visit GMANews.TV Nagkausap at napagkasunduan na rin umano nilang magkakaibigan kasama ang aktor na si Derek Ramsay na aayusin nila nang mahinahon ang hindi nila pagkakaunawaan na tinawag ni Raymart na, “simpleng away ng mga magkaibigan na parang magkakapatid kung magturingan." Nakiusap din ang aktor na itigil na ang pagkakalat ng mapanirang intriga sa kanyang asawa dahil marami na ang nadadamay at alang-alang sa kanilang dalawang anak. “Ikinalulungkot ko ang mga paninirang tsismis tungkol sa kanya…sana po ay tigilan na ang mga kathang-isip na mga ito alang-alang sa aming dalawang anak," ayon kay Raymart. “Mahal na mahal ko si Claudine. Sana po ay patuloy din po ang pagsuporta at patangkilik ninyo sa kanya," pakiusap pa ng aktor. - Fidel R Jimenez, GMANews.TV