Camille Prats, Martin Del Rosario at Kiko Estrada, Kapuso pa rin

Magkakasunod na pumirma ng kanilang kontrata sa Kapuso Network nitong Martes sina Camille Prats, Martin del Rosario, at Kiko Estrada.

Sa Chika Minute report sa GMA news 24 Oras nitong Martes, sinabing dinaluhan ni SVP for Entertainment TV Lilybeth Rasonable, ang pagpirma ni Camille ng panibagong three year contract .

Masaya ang aktres sa kaniyang bagong project na Second Chances, kung saan gaganap siya bilang babaeng may bipolar syndrome.

“I’m working with Direk Laurice Guillen and a really good ensemble cast, so I’m very, very happy and excited at saka ngayon, parang ang sarap din sa feeling na you’re still part of the same network where I’ve been staying for the past six or seven years,” anang aktres.
 


Sinelyuhan naman ni Martin Del Rosario ang kaniyang pagiging Kapuso, at  patutunayan daw ng aktor na puwede na rin siyang sumabak sa mga mapangahas na role.
 
Rarampa rin daw si Martin sa isang underwear fashion show.
 
Nagbabalik-Kapuso naman si Kiko Estrada na muling makakasama ang kapwa-tween stars sa "Strawberry Lane." -- FRJ, GMA News