WATCH: Charice tells Oprah: 'My soul is male'

Matapos ang anim na taon mula nang unang mag-guest ang Pinay international singer na si Charice Pempengco sa 'The Oprah Show,' muling nagtagpo ang mag-ninang na Charice at Queen of the Talk Oprah nitong Linggo sa 'Oprah: Where Are They Now?' 

 

Napag-usapan sa nasabing programa kung pinag-iisipan ba ni Charice na maging isang ganap na lalaki matapos umamin na isa siyang lesbian noong 2013.

 

 

Ayon kay Charice, "Not exactly transitioning to, like, a male-male. Basically, my soul is male, but I'm not going to go through that stage where I'm going to change everything."

 

Dagdag pa niya, "[I'll] cut my hair and wear boy clothes and everything, but that's all."

 

Ibinahagi rin ni Charice na simula pagkabata, alam na umano niya ang kanyang gender identity.

 

"I was in grade school and I saw this girl, and I felt different. I didn't know what it was, but I just knew... it felt special. And when I was 10, I was like 'Oh, that's it, I'm gay.' I found the word for who I really am,” ani Charice.

 

Matatandaang apat na beses nang lumabas si Charice sa 'The Oprah Winfrey Show' noong 2008, 2009, at 2010, kung saan binansagan siya ng batikang host bilang  “the most talented girl in the world” at nakasama rin niyang magtanghal ang ilan sa kanyang mga idols, kabilang na si Celine Dion. 

 

Bukod dito, naging ninang sa binyag at kumpil rin ng singer si Oprah noong May 2010.  — Bianca Rose Dabu/JST, GMA News