WATCH: Patrick Garcia and Nikka Martinez's wedding video

"We started out wrong. God meant 'for good.'"

 

Ito ang mga katagang sinambit ng aktor na si Patrick Garcia sa kanyang wedding vow para sa long-time partner at ngayo'y misis na si Nikka Martinez.

 

 

Ikinasal sina Patrick at Nikka nitong Sabado ng hapon, March 21, sa Blue Leaf Filipinas, Paranaque City.

 

Bukod sa mga kapamilya at kaibigan ng bride at groom, dinaluhan ito ng ilang showbiz personalities, gaya nina Cheska Garcia, kapatid ng groom, sina Antoinette Taus, Paula Peralejo, at Cogie Domingo.

 

Naroon din sa kasal ang anak ni Patrick kay Jennylyn Mercado na si Alex Jazz na kasama rin sa entourage bilang ring bearer. Nagsilbi namang little bride ang anak nina Patrick at Nikka na si Chelsea. —Bianca Rose Dabu/JST, GMA News