Regine posts paper where 'friend' Ogie wrote 'Kailangan Ko'y Ikaw'

Binalikan ng Asia's Songbird na si Regine Velasquez ang ilan sa mga alaala nila ng asawa at singer-songwriter na si Ogie Alcasid.

 

Kamakailan lamang, ibinahagi ng “Starstruck” judge sa social media ang original manuscript ng kaniyang hit song na “Kailangan Ko'y Ikaw” na sulat mismo ng kaniyang dating malapit na kaibigan at ngayon ay asawa.

 

Nakasulat sa naturang manuscript mula kay Ogie: “My dearest Regine: Here is the original writing of our 'masterpiece.'”

 

 

Ayon naman kay Regine sa caption ng kaniyang post, “"Kailangan koy ikaw" this is the original writing of my husband. #friendspalangkaminito”

 

Sumikat ang kantang “Kailangan Ko'y Ikaw” noong 2000 at naging official soundtrack ng pelikula ni Regine at ng tinaguriang Original Bad Boy ng Pelikulang Pilipino na si Robin Padilla.

 

Isa na ngayon sa pinakahinahangaang celebrity family sina Ogie at Regine, kasama ang kanilang anak na si Nathaniel "Nate" James Velasquez Alcasid.  —Bianca Rose Dabu/JST, GMA News