Cristine Reyes, Ali Khatibi prepare Coachella-themed birthday party for daughter Amarah

Pinangunahan ng aktres na si Cristine Reyes at ng kaniyang asawa at mixed martial arts athlete na si Ali Khatibi ang pagdiriwang ng unang kaarawan ng kanilang unica hija na si Amarah.

Dahil kasabay ng kaarawan ni Baby Amarah ang sikat na Coachella Valley Music and Arts Festival na nagaganap taon-taon sa Indio, California sa Amerika, Coachella ang napiling tema para sa kaarawan niya nitong nakaraang linggo.

Kasabay ng masaya at makulay na pagdiriwang ng kaarawan niya ang kaniyang Dedication Day, na dinaluhan ng pamilya at mga kaibigan ng mag-asawa.