PBA legends Alvin Patrimonio at Jerry Codiñera, maghaharap sa 'Lip Sync Battle Philippines'

Hindi lamang mga artista ang mapapanood sa kinaaaliwang “Lip Sync Battle Philippines,” dahil maging ang mga hinahangaang basketbolista ay magtatagisan na rin ng galing sa entablado ngayong darating na Sabado!

Para sa mga itinuturing na legend ng Philippine Basketball Association (PBA) na sina Jerry Codiñera at Alvin Patrimonio, tila madadala nila ang kanilang pagiging competitive sa mga inihanda nilang performance.

Ayon kay Alvin, ““Excited and nandoon ang competitiveness naming pareho. Ayaw magpatalo. Ganun din ang attitude namin dito. Gagawin lang namin ang best namin. Enjoy ang moment. Very popular ang song at bagay sa akin.”

Mensahe niya pa sa kalaban, “Defense minister ka pero hindi mo ito kayang depensahan.”

Hindi naman magpapatalo si Jerry, na naghanda raw ng lively performance para sa mga manonood ngayong Sabado.

“Normally, magkasama kami in any event, guesting, appearances. Very seldom kaming magkalaban. Knowing Alvin, magpe-prepare 'yan. We'll just give our best shot,” aniya.

Mensahe niya sa katunggali sa entablado, “Mag-ready ka, Alvin. Pinaghandaan ko ito. It may not be the best, but I'll give it my best shot. I know your the four-time MVP, but this time, baka ako mag-MVP kapag hindi ka ready.”

— APG, GMA News