Conan 'The Mountain' Stevens, sumabak na sa taping ng 'Encantadia'

Sumabak na sa kanyang first taping day si Conan Stevens para sa GMA primetime series na "Encantadia."

Kung "The Mountain" ang tawag sa kaniya sa hit American fantasy drama series na "Game of Thrones," sinabi sa Chika Minute report ng GMA News 24 Oras nitong Biyernes, na gagampanan ni Conan sa "Encantadia" ang role na higanteng si "Vhiska."

Biro ni Conan, tamang-tama ang kanyang muscular built para sa nasabing karakter.
Bagaman matindi ang init sa beachside kung saan sila nagta-taping, mabilis naman daw naka-adjust ang Aussie actor.

Para kay Conan, ang extra challenge sa kaniya ay ang mabigkas niya nang tama ang "en-chan" o ang salita sa Encantadia. -- FRJ, GMA News