LOOK: Sexy photo ni Ms Universe Pia Wurtzbach, may makabuluhang mensahe

May pasabog na sexy photo na naman si Miss Universe Pia Wurtzbach sa kanyang Instagram para makakuha ang atensyon sa kaniyang 2.7 milyong followers.

Sa Chika Minute report ng GMA News "24 Oras" nitong Sabado, sinabing marami ang napa-wow sa naturang larawan ni Pia na suot ang black bikini habang nasa sun bed.

Pero ang naturang larawan ay pang-akit ni Pia upang makuha ang atensyon ng kaniyang followers para sa isinusulong niyang adbokasiya para sa HIV-AIDS Prevention.

Saad na caption ni Pia sa naturang larawan, " worry, happy #itstheweekend #wheretonext. NOW that I have your attention, do you know your status yet? Cos I know mine. Not your relationship status, silly! I meant HIV status."

Si Pia ang HIV Prevention Ambassador ng Aid for AIDS Organization sa New York. -- FRJ, GMA News