SNEAK PEEK: 'Fight for Love:' The Buboy Villar and Angillyn Gorens love story

Sa darating na Sabado, matutunghayan sa "Magpakilanman" ang kuwento sa likod ng pag-iibigan nina Buboy Villar at Angillyn Gorens.

Sa mga naunang pahayag, hindi ikinaila nina Buboy at Angillyn na dumaan sa mga pagsubok ang kanilang pagmamahalan gaya ng pagtutol ng mga magulang ng dalaga sa Kapuso young actor.

Una silang nagkakilala sa taping ng dating afternoon series na “The Half Sisters,” kung saan bahagi si Buboy, habang nagsisimula naman bilang talent si Angillyn.

Mula noon, naging mabuti silang magkaibigan hanggang sa mauwi sa pagmamahalan.

Hanggang saan nga ba nila kayang ipaglaban ang kanilang pag-iibigan?

Tunghayan ang kanilang kuwento sa "Magpakailanman" present:  'Fight for Love: The Buboy Villar and Angillyn Gorens Love story,' na pangungunahan mismo ng magkasintahan.

Makakasama rin sina  Elizabeth Oropesa, Gino Padilla, Chezka Diaz, Jan Manual, Renz Michael Valerio, Annicka Dolonius, Veronica “Kai” Atienza, Kurt Kendrick, Carlo Cannu at Mach Vi John Duran. 

Ang “Fight for Love: The Buboy Villar and Angillyn Gorens Love story” ay sa ilalim ng direksyon ni Bb. Joyce Bernal, mula sa panulat ni Honey Hidalgo at pananaliksik ni Angel Launo. -- FRJ, GMA News