The funny reason why Isabelle Daza is backstage at Eat Bulaga

Bago lumipad patungong Bali, Indonesia nitong weekend para sa kaniyang #BELLEchorette party, bumisita ang host-actress at bride-to-be na si Isabelle Daza sa “Eat Bulaga!” studio nitong nakaraang linggo upang maka-bonding ang mga Dabarkads.

Nagsilbing host ng longest-running noontime show si Belle mula 2012 hanggang 2014.

Sa isang Instagram post, ibinahagi ng host na si Pia Guanio ang nakakatuwang dahilan sa likod ng pagbisita ng dating Dabarkads.

“At the mention that @ryan_agoncillo would bring lunch (cooked by his Mommy Nina) for everyone, she turns up. Haay, some things never change! #takawbelle #yesyoumissedus,” aniya.

Kasama sa munting salo-salo sina Aicelle Santos, Ryan Agoncillo, Ruby Rodriguez, at Pauleen Luna.

 

A photo posted by Pia Guanio-Mago (@piaguanio_mago) on

Aug 25, 2016 at 11:49pm PDT

Nagbahagi rin ng larawan si Pauleen, na naging malapit na kaibigan na rin ni Belle mula nang maging host siya ng “Eat Bulaga!”

Ayon sa TV host-actress, “Super missed this lady!!!!! @isabelledaza Thanks for visiting!”

 

A photo posted by Marie Pauleen Luna- Sotto (@pauleenlunasotto) on

Aug 25, 2016 at 11:47pm PDT

Nitong weekend, lumipad patungong Bali, Indonesia si Belle upang ipagdiwang ang kaniyang bachelorette party.

Kasama niya sa pagdiriwang ang mga kaibigang sina Solenn Heussaff, Carla Humphries, Martine Cajucom, Nicole Anderson, Jess Wilson, Bea Soriano, Raymond Gutierrez, at Ava Daza. —Bianca Rose Dabu/JST, GMA News