Paolo, hiniritan ni Joey sa pagbabalik sa Eat Bulaga: 'May event tayo sa Subic'

"I miss you too!"

'Yan ang unang mensahe ni Paolo Ballesteros sa mga fans sa kaniyang pagbabalik sa Eat Bulaga ngayong Lunes.

Agad namang hindi nakatakas si Pao sa mga hirit ni Joey De Leon. "May event tayo sa Subic!" ayon sa "Henyo Master" ng noontime show.

Napabalitang isang event sa Subic ang naging sanhi ng suspension ni Paolo mula sa show.

Biro pa ni Jose: "Abangan natin next week kung sino pa ang mawawala!"

Pero tumawa na lang si Paolo, na bakas sa mukha ang tuwa sa kaniyang pagbabalik. —JST, GMA News