Lovi Poe sa pelikulang 'The Escort': 'It's intimate, very daring, maganda ang story'

Kakaibang istorya umano ang hatid ng erotic sex drama film na “The Escort,” na pagbibidahan ng Kapuso Premier Actress na si Lovi Poe, kasama sina Christopher de Leon, Derek Ramsay, at Jean Garcia.

“It's intimate, very daring, and maganda ang story... It's about how far can you go for love, and it's very different because it's about being an escort and kung ano talaga ang nagtulak sa kaniya doon,” paliwanag ng Kapuso actress.

Ayon naman kay Derek, “Noong binasa ko yung script, it's not just about love scenes. Kailangan 'yon, pero ang ganda ng mismong istorya. That's why I decided to jump onboard. I fell in love with the script. It's a great story. The bonus is I get a sexy, beautiful leading lady who is such a professional.”

Nagpapasalamat si Lovi na alagang-alaga siya hindi lamang ng staff at crew ng pelikula, kung hindi maging ng mga kasama niya sa harap ng camera.

Aminado siya na mahirap ang paggawa ng loves scenes at kinailangan pa nilang pag-usapan nang mabuti ang ilang eksena upang maging makatotohanan.

Kuwento ni Lovi, “There's a certain part sa script na na-shock talaga ako. I asked my director pa, 'Direk, sobra ba ito?' Hindi naman pa-porno, pero doon mo makikita ang imagination ng isang lalaki. Parang, wow."

Patuloy ng aktres, "Sobrang maalaga si Derek that he wouldn't take advantage of that certain position that they wanted us to do. He's super respectful. Some guys would go for it, but he said 'Lovi, no. It won't look good para sa'yo.'”

Ayon pa kay Lovi, hinahangaan niya si Derek dahil sa pagtulong sa kaniya kung papaano nila gagawin ang mga maseselang eksena na hindi siya malalagay sa alanganing sitwasyon.

“Ako, I said, if the movie asks for it, why not. Nag-usap kami ni Derek. Sabi niya, 'Lovi, no. Not you.' Siya na nagsabi. Lalaki na ito. Kasi ako, as an actress, maybe I'd consider it. Pero siya, no. Nag-meet pa kami with Direk, kung tatanggalin ba o ilalagay pa rin. We ended up still doing it. You have to watch it. In terms of position, I'll leave it for you to imagine. I don't want it to come from my mouth. May touch of kinkiness siya,” kuwento ni Lovi.

 

A photo posted by Lourdes Virginia M. Poe (@poevirginia) on

Sep 24, 2016 at 6:21pm PDT

Labis naman ang paghanga ng leading men ng “The Escort” kay Lovi dahil sa galing nitong umarte, pagiging propesyonal, at maalaga maging sa likod ng camera.

“She's a brilliant actress, a brilliant person. Pagpasok sa set, you'd feel home right away. Wala siyang kaarte-arte. I didn't have to put extra effort para kilalanin at lapitan siya. It's very comfortable talking to her,” kuwento ni Derek.

Sinabi naman ni Boyet, tila naaalala niya ang pumanaw na aktor at King of Philippine movies na si Fernando Poe, Jr., na nakatrabaho niya rin sa ilang pelikula.

Aniya, “Fernando Poe, Jr. is my idol. I really look up to him—as a director and as an actor. He knows everything when it comes to this business. The daughter is a very, very good actor. I told her that. Sometimes, she's even better than her dad. Really! She is a very, very, very, very good actor.”

“But, of course, hats off talaga ako sa tatay niya. He's my idol. I miss him. We miss him so much,” dagdag pa ng batikang aktor.

 

A photo posted by GMA News (@gmanews) on

Oct 12, 2016 at 11:49pm PDT

Maliban sa mga love scene nina Lovi, Derek, at Boyet, makikipagtagisan din sa pag-arte ang “Pinulot Ka Lang Sa Lupa” star na si Jean Garcia.

“It's a great experience to work with Ms. Jean. Batikang artista na ito. It was only the second day and mayroon na kaming maiinit na eksena. Super hot ng eksena, at super hot ni Ms. Jean. She is such a beautiful woman. Brilliant actress. It was kind of strange na lumapit siya sa akin and she told me na parang first time niya ito,” ayon kay Derek.

Kuwento pa niya, “She was completely into her character. Nag-less than a two-piece pa yata siya. We got into the scene, and after ng eksena namin, sinabi niya sa akin, 'Derek, thank you so much. I feel so comfortable with you. I feel safe with you.' After all that hard work, ang sarap marinig ang ganoong mga compliment from such a brilliant actress.”

Maliban sa mga eksenang kaabang-abang, hindi umano dapat kalimutan mensaheng nais iparating ng pelikula.

Simpleng pahayag nina Derek at Lovi, “Money can't buy people. Happiness and love can't be bought,”

“Falling in love, you have to take risks, you have to give it all, whatever it takes. Whether you win or you lose, falling in love is worth it,” ayon kay Boyet.

Para naman sa direktor ng pelikula na si Enzo Williams, “You can never go wrong if you choose love over money.”

Mapapanood na ang "The Escort” sa mga sinehan sa Pilipinas simula sa November 2. -- FRJ, GMA News