Glaiza de Castro writes inspiring essay on music, 'girl power' for Women's Month

Isa ang Kapuso singer-actress at “Encantadia” star na si Glaiza de Castro sa mga guest editor ng fashion and lifestyle website na Preview.ph ngayong Marso bilang bahagi ng pagdiriwang sa Women's Month.

Upang bigyan ng pagkilala ang mga kababaihan sa buong mundo, ibinahagi ng aktres sa naturang website ang kaniyang pagmamahal sa musika at ang sarili niyang pagbibigay kahulugan sa “girl power.”

Ayon kay Glaiza, bata pa lamang siya ay hilig na niya ang musika, at isa sa mga una niyang hinangaan ay ang iconic English pop girl group na Spice Girls.

“I’d watch their music videos, mimic them, and say 'Girl Power!!' every time and even do the peace sign. I’d dress, dance, and sing like them with my friends even if we haven’t fully realized what their songs meant. What we saw and heard was a big influence on our daily lives. Even now, it feeds our passion. It lifts our soul,” kuwento niya.

Habang tumatagal, ninais ng Kapuso star na gumawa ng sarili niyang marka sa music industry sa bansa, Ngunit hindi raw naging madali ang proseso, at minsan na rin niyang pinagdudahan ang sariling pangarap.

Gayunpaman, hindi pa rin iniwan ni Glaiza ang kaniyang “first love.”

Aniya, “There’s always this liberating feeling, and it is where I feel most sincere. Because you can’t fake emotions when you sing. If acting challenges me to do different roles, singing requires just one thing: to be who I am.”

Ilang taon mula nang mangarap siyang maibahagi ang kaniyang musika, nagkaroon na ito ng katuparan sa kaniyang self-produced album na “Synthesis,” na kamakailan lamang ay ginawaran ng Gold Record award.

Naniniwala si Glaiza na bukod sa talento, sipag, at tiyaga, naging malaking tulong din ang tiwala niya sa sarili at ang pananampalataya niya sa Panginoon.

Mensahe niya sa mga tulad niyang nangangarap: “Regardless of what we’ve been through, where we came from, our capacity, skills, choices, we continue to do what represents who we really are. That is the purpose.”

“Everyday we fight for it, and I think that's what makes us powerful—be it making your own music or simply living your passion. As Le Tigre would sing, 'We won’t stop, don’t you stop, I can’t live if you stop,'” pagtatapos ng Kapuso actress.

 

A post shared by Glaiza Galura (@glaizaredux) on

Mar 8, 2017 at 12:47am PST

READ: Glaiza de Castro's new album features 'stripped down' tracks, OPM revivals

Bukod sa kaniyang pagbida sa GMA Primetime series na “Encantadia,” abala rin ngayon si Glaiza sa kaniyang paghahanda para sa nalalapit na paglabas ng kaniyang ikalawang album.

“Back to basics ako ngayon. Lahat, stripped down. Before, ang daming nangyayari. Parang lahat ng influences ko ay pinagsama-sama ko. Ngayon, nag-stick ako sa basics. I'm sure, refreshing itong pakinggan dahil walang drums or bass. Kung meron, very minimal sa ibang tracks," aniya. -- FRJ, GMA News