iGMA: Carla Abellana says scenes with a frog on The Last Prince is a challenge

Sa pagbalik ni Carla Abellana sa mundo ng acting, haharap siya sa panibagong challenge sa kanyang career: acting alongside an animal—a frog, sa telefantasyang 'The Last Prince.' Matagal ring inabangan ng viewers ang pagpasok ni Carla Abellana sa kuwento ng The Last Prince. And they finally got their wish this week. "Si Sonia ang magpapatibok ng puso ni Prinsipe Javino (Geoff)," Carla says in introduction of her character, nang makausap namin sa SOP noong Valentine's Day. She added, "nakakatuwa 'yung character [ni Sonia], and 'yung love story nilang dalawa." Hindi na matagal ang hihintayin ng viewers to watch this love story unfold. After all, lagpas isang linggo na ring palaka si Javino—siguradong gagawin na nito ang lahat para makalabas sa sumpa ni Bawana (Bianca King). Pero habang palaka pa si Javino — kamusta naman ang mga eksena nila ni Carla? "Nakakatuwa, promise!," kuwento ni Carla. Tuwing napapanood raw niya si Javino 'the Frog' sa The Last Prince, ang iniisip niya ay maganda at malinis ang palaka. Aminado si Carla na may takot siya sa palaka, but it's just another challenge na kailangan niyang harapin at i-overcome. "Nahirapan ako, to be honest, working with the frog. Kasi kailangan ko siyang hawakan, kailangan ko siyang kausapin up close." But Carla is happy na nagagawa naman niya ang mga hinihingi sa kanya ng eksena, at ng kanilang director na si Direk Mac Alejandre. That is, until the frog starts acting up. "Hindi kami nagkakasundo ng palaka e," natatawang kuwento ni Carla. She said na may mga scenes raw silang kinunan na bigla na lang tatalon 'yung palaka, "tapos napapasigaw ako. So nagka-cut si Direk Mac. Pero okay naman." At the end of it all, Carla said na natutuwa pa rin siya sa ginagawa niya especially because of the story na ibinigay sa kanya. Well, that and the fact that she's missed acting in front of the camera. "Masaya siya, kasi ang tagal ko nang hindi nagte-taping e." Carla said reuniting with the same production team of Rosalinda, and working with Direk Mac again, "siyempre it's very nice seeing everybody again." Add to that, the fact na "pinaglaruan lang namin 'yung character ni Sonia; very light lang siya." No wonder Carla has this to say about her The Last Prince experience: "Talagang enjoy ako." Catch Carla on The Last Prince. The enchanting love stories of Almiro (Aljur Abrenica) and Lara (Kris Bernal), and Javino and Sonia continue weeknights sa GMA Telebabad, bago mag-Full House. - Jason John S. Lim, iGMA