iGMA: Mike Tan, Maxene Magalona talk about their love team in Trudis Liit

Ang Mars Ravelo's Trudis Liit ang unang project together at unang beses na pinagtambal sina Mike Tan at Maxene Magalona. Kamusta naman kaya ang working relationship nila together. Ang ginagampanang role ni Maxene sa Trudis Liit ay ang papel ng maalagang si Tita Ched ni Trudis. Pero sino naman kaya ang tumatayong tagapangalaga ni Maxene sa show na ito? “Dito sa show inaalagaan ako ni Mike [Tan]," natutuwang sagot ng dalaga sa interview ng Chika Minute. “Kasi naman bruskung-brusko siya. Kita niyo naman ‘yong katawan niya." Pero ayon kay Max, wala pang nag-aalaga sa kanya in real life. “Family ko. Boyfriend? ‘Di ko muna iniisip ‘yan." Kailangan daw muna niyang mag-focus sa trabaho lalong-lalo na sa Trudis Liit. Ngunit totoo nga bang naiilang si Mike na makatrabaho siya no’ng simula? “Lahat naman na makatrabaho ko na first time, especially with Mike. Never ko pa siyang nakatrabaho before in any show tapos ngayon kaagad leading man ko na siya. I understand kung bakit siya kinakabahan…kasi it’s his first leading man role. So what I do as his leading lady, I make him comfortable na…lagi ko s’yang binibiro para light lang kami sa set, na it’s very easy-going…I think now mas relaxed na s’ya pag kasama n’ya ako sa eksena," kwento ni Maxene sa isang recent interview. Ayon pa sa dalaga, ‘di pa naman daw gano’n ka-intimate ang scenes nila sa show kaya wala pa ring ilangan sa kanilang dalawa pagdating sa tapings. Mga simpleng asaran at away pa lang rin kasi ang eksena nila, pero in the coming weeks ay mas magiging concrete na ang love story nila sa Trudis Liit. MIKE TAN. Nothing but good words naman ang nasabi ng young actor sa pagtatrabaho niya with Maxene. Bukod sa mabait, kaagad daw na ipinaramdam ng dalaga na magkaibigan sila. “Actually ako nga ‘yong naiilang sa kanya. Nahihiya ako sa kanya," natatawang sagot ng aktor sa Chika Minute interview. Ngunit paliwanag ni Mike, dahil lang daw ‘yon sa sobrang kabaitan at magandang pagtanggap sa kanya ni Maxene. Sa isang recent interview naman, naikuwento ng binata na okay na okay naman ang working relationship niya with Max. Nagkakaroon na sila ang asaran sa set at masayang kasama ang dalaga. Ano naman kaya ang mga paghahandang ginawa ni Mike sa kanyang role sa Trudis Liit? “Kung tutuusin, wala akong preparations na nagawa. Medyo kinakapa-kapa ko pa rin for a few weeks. Pero nakapag-adjust na. In short, wala. Walang preparations," pagtatapat niya. In terms naman sa kanyang physical preparations, ang daming nakapansin na gumanda nga ang katawan ng young actor at mas naging leading man ang kanyang dating. “Natural lang ‘yan," natutuwang sagot ni Mike. “Syempre, nag-gym, nagwo-workout, exercise. Sinusubukan kong ibalik ‘yong dating pagiging athletic." Dagdag pa ng binata, although maraming nagustuhan ang bago n’yang image, marami rin daw ang nawi-wirduhan dahil hindi sila sanay. MIKE-MAXENE LOVETEAM. Dahil nga isa ang tambalan nila sa mga inabangan ng mga tao sa palabas na ito, ipinaliwanag ni Mike na wala munang masyadong intimacy na ipinakita sa kanilang loveteam dahil pambata ang Trudis Liit. “Una sa lahat, pambata ‘yong show kaya iwas medyo sa sobrang intimate. Kailangan medyo light lang. Pa-tweetums lang," paliwanag niya. Bukod pa rito ay kaunti pa lang din ang nate-taping nila no’ng time na ‘yon kaya wala pa sa show ang istorya nila as loveteam. Ngunit kahit ‘di pa gano’n ka-concrete ang story nila sa palabas, magandang feedbacks na ang nakuha ng bagong loveteam na ito mula sa mga manonood. Ano nga ba ang pwedeng i-expect ng mga manonood sa love story nina Mike at Maxene sa Trudis Liit? “Napi-feel ko na in the coming weeks, magkakaroon na kami ng mga sweet moments kasi nag-formally ask permission na s’ya sa dad ko. Nag-aakyat na ng ligaw…Soon magkakaroon na kami ng mga [intimate] na eksena," excited na kuwento ni Maxene. Dagdag pa rito, aabangan rin ng mga loyal Trudis Liit viewers ang pagiging open ng relationship ng characters nilang sina Ched at Migs sa istorya dahil inilabas na ni Migs ang kanyang tunay na nararamdaman para kay Ched. Kilalanin pa lalo ang tambalan nina Maxene at Mike. Mag-log in sa iGMA.tv Live Chat on July 28 at 2-4PM and send in your questions. Siguradong lalo pa kayong matutuwa dahil may special participation sa Live Chat na ito ang batang minahal na nating lahat – ang bibong-bibong si Jillian Ward a.k.a. Trudis Liit!. - Ayessa De La Pena, PEP