Matapos ang pagsala sa mga kandidata mula sa iba’t ibang bahagi ng Pilipinas at maging sa ibang bansa, 25 naggagandahang kababaihan ang maglalaban-laban para makamit ang titulong Miss World Philippines 2011.
Ang Coronation Night ng kauna-unahang Miss World Philippines Pageant ay gaganapin sa Philippine International Convention Center (PICC) Plenary Hall, sa Linggo (Sept 18) at mapapanood sa GMA-7, ganap na 10:00 p.m. Mula sa London, nagtungo sa Pilipinas si Stephen Dauglas, presidente ng Miss World Organization, para saksihan ang ground-breaking event. Nasa bansa rin si reigning Miss World, Alexandria Mills, para ipasa ang kanyang korona sa mapalad na magwawagi. Magsisilbing hosts sa Miss World Philippines Pageant ang mga Kapuso artists na sina Dingdong Dantes, Carla Abellana, at Isabelle Daza. May special by performances naman si Mark Bautista, habang si Aljur Abrenica ang umawit ng theme song para sa Miss World Philippines. Ang 25 kalahok ay sina Samantha Neville Purvor, Juliann Savard, Karen Joyce Peñanueva, Irene Gabriel, Rogelie Catacutan, Richelle Therese Borja, Charlotte Melissa Tyler, Gaydra Rama, Martha Chloe McCulley, Princess Tiffany Carbungco, Mercy Malaluan, Elaine Kay Moll, Gwendolyn Ruais, Joey Albert Short, Jaysel Arrozal, Loucelle De Jesus, Erin Dolores Lane, Donna Maricel Cardino, Mica Angela Angeles, Jayanne Marie Aldanese, Mae Liezel Ramos, Ma. Paula Bianca Paz, Christine Kate Adi, Helen Nicolette Henson, at Erina Ann Lightholder. Bukod sa korona bilang kauna-unahang Miss World Philippines, ang magwawagi ay makatatanggap ng isang condominium unit sa Sea Residences ng SM Development Center (SMDC) at P1 milyong cash prize. Ang Miss World Philippines Pageant ay handog ng CQ Global Quest, Inc. sa pakikipagtulungan ng SMDC at GMA Network, Inc. Panoorin ang Miss World Philippines Coronation Night sa Linggo pagkatapos ng
Protege sa GMA 7. –
FRJ, GMA News 
GMA Brandtalk
Tracking
Archives
