Ang Sayaw ng Dalawang Kaliwang Paa, humakot ng parangal sa 35th Gawad Urian

Humakot ng parangal ang Indie film na Ang Sayaw ng Dalawang Kaliwang Paa sa katatapos na 35th Gawad Urian ng Manunuri ng Pelikulang Pilipino. Pitong awards ang nakuha ng Ang Sayaw ng Dalawang Kaliwang Paa, kabilang ang Best Picture. Nakamit din ng pelikula ang parangal para sa Best Director (Alvin Yapan), Best Actor (Paulo Avelino), Best Supporting Actress (Jean Garcia), Best Screenplay (Alvin Yapan), Best Cinematography (Arvin Viola) at Best Music (Christine Muyco at Jema Pamintuan). Ang Ang Sayaw ng Dalawang Kaliwang Paa ay naging kalahok din ni Yapan sa Cinemalaya Festival noong nakaraang taon. Si Yapan ay Assistant Professor at chair ng Filipino Department ng Ateneo. Narito ang iba pang nagwagi sa Gawad Urian na ginanap sa AFP Theater sa Camp Aguinaldo: Best Actress - Maja Salvador (Thelma) Best Supporting Actor - Art Acuña (Niño) Best Production Design - Maulen Fadul (The Natural Phenomenon of Madness) Best Editing - Lawrence Fajardo (Amok) Best Sound - Albert Michael Idioma and Addiss Tabong (Amok) Best Documentary - Tundong Magiliw Best Short Film - Sirip Ang cinematographer na si Rody Lacap ang tumanggap ng pagkilala bilang Natatanging Gawad Urian. Ilan sa mga pelikula kung saan naging photography director si Lacap ay ang Muro Ami, Oro Plata Mata, at Kisapmata. - FRJ, GMA News