AGB Nielsen TV ratings: Eat Bulaga!, ‘di natinag ng It’s Showtime

Nanguna pa rin sa TV ratings sa Mega Manila noong nakaraang linggo ang longest running noontime show sa Pilipinas na Eat Bulaga laban sa katapat nitong programa na It's Showtime. Ito ay batay sa ipinalabas na overnight ratings ng AGB Nielsen Phils. Sa datos na ipinalabas ng higit na kinikilalang rating service provider sa bansa na AGB Nielsen para sa Mega Manila households nitong October 22-27, halos kalahati ang naging kalamangan ng Eat Bulaga sa It’s Showtime na nagdaos ng kanilang week long anniversary show. Narito ang naturang datos ng Nielsen: Oct. 22, Monday Eat Bulaga! -- 21.6% It’s Showtime -11.7% October 23, Tuesday Eat Bulaga! -- 21.3% It’s Showtime -- 10.6% October 24, Wednesday Eat Bulaga! -- 22% It’s Showtime -- 13.3% October 25, Thursday Eat Bulaga! -- 23.8% It’s Showtime -- 15.4% October 26, Friday Eat Bulaga! -- 23.5% It’s Showtime -- 15.6% October 27, Saturday Eat Bulaga! -- 23.1% It’s Showtime -- 13.2% Extra strong ang Extra Challenge! Kasabay nito, kumabig din ng mataas na TV ratings ang nagbabalik na mas pinalakas na Extra Challenge nina Marian Rivera, Richard Gutierrez at Boobay nitong nakaraang weekend. Sa mga panggabing programa sa telebisyon noong Sabado, Oct 27, pumangalawa ang Extra Challenge na may 24.6% points sa nangunang kapwa Kapuso show na Kapuso Mo Jessica Soho na may 25.2%points. Pagsapit ng Linggo, Oct 28, pumangalawa muli ang Extra Challenge na may 21.4% points sa nanguna ring kapwa Kapuso show nang gabing iyon na Pepito Manaloto Ang Tunay Na Kuwento na may 21.6% points. Ang Mega Manila ang kumakatawan sa 59.5 porsiyento ng total urban television households sa buong bansa. At ang Nielsen TV Audience Measurement ay mayroong 1,190 sample size household sa Mega Manila. Bukod sa GMA-7, naka-subscribe sa Nielsen TV Audience ang 21 iba pang kumpanya kabilang na ang ibang major networks tulad ng TV5, Faulkner Media, CBN Asia, at 15 advertising agencies, at tatlong regional clients. – FRJimenez GMANews.TV ang official news site ng GMA Network's News and Public Affairs department.