Coleen Garcia at ex-gf ni Billy Crawford na si Nikki Gil, nagkita sa isang event

Ikinuwento ni Coleen Garcia na nagkita na sila ni Nikki Gil sa isang advertising event. Si Coleen ay nauugnay ngayon sa television host na si Billy Crawford, na ex-boyfriend ni Nikki.

Sa exclusive report ni Jocelyn Dimaculangan sa PEP.ph (Philippine Entertainment Portal), sinabi ni Coleen na nangyari ang pagkikita nila ni Nikki sa Ad Summit Pilipinas sa Subic, Zambales noong Mayo.

"Nagkita kami dun, actually all of us. Siyempre, we were polite naman.

"We were all so polite to each other. There was no bad vibes naman.

"Past is past," ani Nikki.

Sinabi pa ng young star na hindi rin sila nakapag-usap ni Nikki sa naturang event.

Hulyo noong nakaraang taon nang mapaulat ang paghihiwalay nina Nikki at Billy.

Basahin: Nikki Gil and Billy Crawford split -- PEP

Pero sa isang panayam noong nakaraang Disyembre, ipinahiwatig ni Nikki na may "third party" sa dahilan ng pagtatapos ng relasyon nila ni Billy.
 
Basahin: Nikki Gil reveals cause of breakup with Billy Crawford
 
Nilinaw naman ni Coleen na hindi naman nila itinago ni Billy ang anumang namamagitan sa kanila noon.

"Yung time na sumabog ang issue, we weren't really solid," aniya.

Kasabay nito, ayaw ni Coleen na bigyan ng "level" kung ano man ang namamagitan sa kanila ngayon ni Billy.
 
"Parang ganun na rin, pero wala pang label, wala pang date," pahayag niya.

"I think I can say girlfriend-boyfriend kapag may date na, saka boyfriend-girlfriend na ang tawagan namin.

"Pero now, it's pretty much the same thing already," paliwanag niya.

Sa tanong kung si Billy na kaya ang "the one" para sa kaniya, natatawang tugon ni Coleen, "Too early pa!." -- FRJ, GMA News