Ai-Ai de las Alas to launch her official magazine

Matapos ang kaniyang 25th anniversary sa showbiz nitong Mayo, nakatakdang maglabas ng sarili niyang official magazine ang tinaguriang “Comedy Concert Queen” na si Ai-Ai de las Alas.

Noong Biyernes, ipinasilip ng “Sunday Pinasaya!” star ang cover ng unang issue ng “Ai Labyu” magazine, kung saan tampok siya at ang ilang headlines tungkol sa pinagbibidahan niyang weekend comedy variety show.

Aniya ,“AI LABYU MAGAZINE – soon!!!”

 

AI LABYU MAGAZINE -- soon!!!

A photo posted by Martina Eileen Delas Alas (@msaiaidelasalas) on

Aug 12, 2015 at 7:22pm PDT

Mapapanood si Ai-Ai tuwing Linggo sa “Sunday Pinasaya!” kasama ang Kapuso Primetime Queen na si Marian Rivera, “Eat Bulaga” Dabarkads Jose Manalo, Wally Bayola, at Alden Richards, Asia's Pop Sweetheart Julie Ann San Jose, at Kapuso Teen Queen Barbie Forteza.

Bibida rin sa naturang programa ang mga bagong Kapuso artists na sina Jerald Napoles, Joey Paras at Valeen Montenegro. — Bianca Rose Dabu/LBG, GMA News