Memorable kontrabida lines, sinubukang gayahin ni ‘Senyora Santibañez’ Jaclyn Jose

Inaabangan na ang paglabas ng batikang aktres at primera kontrabidang si Jaclyn Jose bilang Senyora Santibañez sa pinakabagong Pinoy adaptation ng hit Mexican telenovela na “Marimar”.

Mula sa mga kontrabida roles na tumatak sa mga manonood tulad ni Donya Charito mula sa primetime series na “Mundo Mo'y Akin,” ipapamalas naman ngayon ng aktres ang kaniyang galing sa pagiging kontrabida sa pang-aapi niya kay Marimar, na ginagampanan ni 2013 Miss World Megan Young.

Aniya sa panayam ng “Unang Hirit” nitong nakaraang linggo, “Alam mo naman 'yang si Angelika, walang hiya, 'di ba? Kahit sa Mexican telenovela, talagang maldita. Mayroon diyang mga batukan, sabunot, pinaluhod sa lupa.”

Bilang hamon sa pinakabagong kontrabidang susubaybayan ng mga manonood, ipinagaya kay Jaclyn ang ilan sa mga memorable lines ng mga primera kontrabida sa telebisyon man o pelikula.

Kabilang na rito si Celia Rodriguez sa “Lipad, Darna, Lipad,” Cherie Gil sa “Bituing Walang Ningning,” Bella Flores sa “Roberta,” at Odette Kahn sa “Muli.”



— Bianca Rose Dabu/DVM, GMA News