Migo Adecer gears up to win as the Ultimate Male Survivor in StarStruck 2015

Ikinagulat daw ni Migo Adecer na nakasama siya sa Final Four ng StarStruck Season 6.

Aniya, “Nagulat po ako kasi yung kasama ko sa backstage, si Jay Arcilla… I was the last one to be called out. Magaling din siyang [Jay] umarte at sumasayaw. He did really well din sa last challenge with Christopher de Leon.”

Ibig niyang sabihin, hindi siya karapat-dapat na makasama sa Final Four?

Pahayag ni Migo, “Well, I think deserving naman ako sa top four, I did well naman sa eksena ko. And I gave my best sa mga StarStruck challenge, thank God because he made a way for me to be on top four.

“Siyempre, even if you have high hope to any competition… just hearing your name being said, it’s always that moment. No matter it is your name or not, you’re gonna be surprised.”

LIKELY WINNER. Nakausap ng PEP.ph (Philippine Entertainment Portal) si Migo matapos ang announcement ng Final Four sa ginanap na StarStruck Live noong December 11.

Ngayong Sabado na ng gabi, December 19, mapapanood ang grand finals ng StarStruck 2015.

Ang kasama niya sa top four na si Elyson de Dios daw talaga ang nakikita ni Migo na mahigpit niyang kalaban para sa Ultimate Male Survivor title.

Sabi niya, “I thought naman si Elyson kasi malaki ang improvement niya rito sa StarStruck. From his Tagalog to his acting, mga movements niya and his character as well, he’s growing as a person."

“It’s nice talaga to see him come out with his real personality, which is very hard to find here in the industry, dito sa Pilipinas, di ba?”

Sa palagay niya, siya na kaya ang maging bagong Ultimate Male Survivor?

Sagot ni Migo, “Obviously I’ll fight. We’re best friends but it’s competition. If he wins, okay, wala akong bitterness, siyempre siya ang kaibigan ko. Pero it won’t stop me from trying to achieve the Ultimate Male survivor [title].” -- PEP.ph