Director Quark Henares calls for end to ‘horrible working hours’

Halos magkasunod na pumanaw noong nakaraang linggo dahil sa cardiac arrest ang mga kilalang TV at film directors na sina Wenn Deramas at Francis Xavier Pasion.

 

Bumuhos ang mensahe ng pagmamahal at pagdadalamhati mula sa mga kaibigan nila sa loob at labas man ng industriyang binigyan nila ng kulay sa pamamagitan ng mga programa at pelikulang tinangkilik ng mga manonood.

 

Ngunit bukod sa kalungkutan, nagkaroon rin ng pagkakataon ang ilan upang mapag-usapan ang itinuturing na isa sa mga problemang hinaharap sa showbiz.

 

Ayon sa aktor at direktor na si Quark Henares sa isang Facebook post, “This might not be a good time to say this but I'll say it anyway. I think the reason a lot of TV directors like Wenn Deramas and Gilbert Perez, and now Francis Pasion, are getting cardiac arrests is because of the horrible working hours and conditions in Television.”

 

“And it's not just directors: stuntmen, ADs, crew people and cameramen all go through similar situations. This should really change. And I don't know how it will, considering that this entails losses for the networks. But it really is time,” dagdag pa niya.

 

 

Ilang mga batikang artista ang sumang-ayon sa pahayag na ito ni Henares, kabilang na sina Ping Medina at Cherie Gil, pati na ang TV personality na si Jun Sabayton.

 

Nakilala si Wenn Deramas sa mga pelikulang Ang Tanging Ina (2003), Volta (2004), D' Lucky Ones (2006), Ang Cute Ng Ina Mo (2007), Petrang Kabayo (2010), The Unkabogable Praybeyt Benjamin (2011), This Guy's In Love With U Mare (2012), Sisterakas (2012), Girl Boy Bakla Tomboy (2013), The Amazing Praybeyt Benjamin (2014), at Beauty and the Bestie (2015). 

 

Kabilang naman sa mga obra ni Francis Xavier Pasion ang independent films na “Bwaya” at “Jay. — Bianca Rose Dabu/DVM, GMA News