Aiza Seguerra greets Liza Dino on their 2nd wedding anniversary: Baby na lang ang kulang

Abala man sa kani-kanilang responsibilidad bilang mga opisyal ng gobyerno, hindi pa rin pinalampas ng mag-asawang Aiza Seguerra at Liza Dino ang pagkakataong ipagdiwang ang kanilang second wedding anniversary nitong nakaraang linggo.

Sa pamamagitang ng Instagram, nagpalitan ang dalawa ng sweet messages at nagbahagi pa ng ilang tagpo mula sa kanilang selebrasyon.

Ayon kay Aiza, “Dalawang taon na ang nakalipas, parang ang bilis pero parang hindi.... Happy anniversary mahal ko. Mahal na mahal kita."

Bago tapusin ni Aiza ang mensahe, binanggit niya ang nag-iisang pangarap na hinihintay umano niyang matupad para sa kanilang pamilya. "Baby na lang ang kulang."

 

Dalawang taon na ang nakalipas, parang ang bilis pero parang hindi. We've been through so many things, given so much of ourselves to each other, pero parang bawat araw ay bago na namang experience na for us. Sobra akong excited (hindi lang halata) kapag kasama kita. I am at my happiest whenever I am with you. Mula noon, hanggang ngayon. Even if it's just me driving you around and accompanying you to your stuff, like what we did yesterday, walang kasing saya ang puso ko dahil kasama kita. Thank you for loving me and appreciating me the way you do. Thank you for always understanding me lalo na sa mga panahong mahirap ako intindihin. Thank you for loving me the way I want to be loved. Thank you for being my bestfriend (with benefits????). For always hearing me out. Thank you for being you. Messy, passionate, amazing YOU. Thank you for being the best wife anyone could ever want and have. You made all my dreams (wholesome and not) come true (baby nalang ang kulang, solb na ako). Happy anniversary mahal ko. Mahal na mahal kita.

A photo posted by Aiza Diño Seguerra (@iceseguerra) on

Dec 8, 2016 at 6:47pm PST

Nagpasalamat din ang singer-actor at National Youth Commission chairman sa pagmamahal at pag-unaang ibinibigay sa kaniya ni Liza, na pinakasalan niya sa dalawang magkahiwalay na seremonya sa Pilipinas at Estados Unidos.

Sagot naman ni Liza, “Two years na o two years pa lang? ... Ikaw ang forever ko.”

“Walang bubuwag sa naumpisahan natin." 

 

Two years na o two years pa Lang? Parang ang tagal tagal na nating mag-asawa dahil sa dami nating pinagdaanan. Pero parang bagong bago pa Lang at the same time dahil kinikilig pa rin ako sa'yo. Ang panahon nagbabago. Pero kailanman hindi tayo. Ikaw ang forever ko. Happy second wedding anniversary mahal Ko! #misteratmisiszaza #bawibawisapostpagmaytime

A photo posted by Liza Diño-Seguerra (@lizadino) on

Dec 8, 2016 at 12:25am PST

 

Oh yes, I AM HOME. Just in time for our wedding annEVErsary. Can't believe it's been almost two years my love. At sa buong panahong ito, sobrang dami na nating napagdaanan. I feel so blessed that despite the ups and downs, we are here. Alam ko that this is a trying time for us. You know, coping with all the changes... But we are here. TWO YEARS strong and more... Walang bubuwag sa naumpisahan natin. At kahit ano pa man ang pagsubok na dumaan ,basta nandito tayong dalawa para sa isa't isa, I really believe na lahat to kaya nating lampasan. Mahal na mahal kita love ko! Happy annEVErsary sayo. Alam ko bukas pa, pero ang dami kong utang na post. Ibalik natin ang dati. Love you so much Baby.

A photo posted by Liza Diño-Seguerra (@lizadino) on

Dec 6, 2016 at 6:56pm PST

Matatandaang ilang taon nang binabalak ng mag-asawa na magkaroon ng anak sa pamamagitan ng in vitro fertilization (IVF). 

Gayunpaman, napag-desisyunan nilang pansamantala munang ipagpaliban ito upang matutukan ang pagganap sa kanilang mga responsibilidad sa gobyerno at makapag-ipon pa para sa kanilang pamilya. 

Kuwento ni Aiza sa naunang pahayag, “I had to tell Amara na baka hindi matuloy this year ang IVF namin ni Liza dahil bukod sa hindi kami makaalis ng bansa nang matagal, medyo mahal ang magagastos at hindi kami handa maglabas ng ganon kalaking halaga.”

Sa ngayon, maliban sa pagiging opisyal ng gobyerno, abala rin sina Liza at Aiza sa pagiging hands-on parents kay Amara, ang anak ni Liza sa dating kasintahan. —LBG, GMA News