Kylie Padilla auditioned for every sang'gre role except for Amihan

Tuwang-tuwa ang Kapuso actress at “Encantadia” star na si Kylie Padilla nang mapanood niya ang kaniyang audition videos para sa remake at retelling ng nasabing hit Kapuso fantasy series ngayong taon.

Muling napanood ng aktres ang kaniyang audition para sa mga role na Sang'gre Alena, Sang'gre Danaya, at Sang'gre Pirena.

Aniya, hindi niya akalaing mapipili siya upang muling magbigay-buhay kay Sang'gre Amihan.

“Gusto ko 'yung tatlo ang pinag-audition ko, tapos 'yung binigay sa akin ay 'yung hindi ko pa na-try out. I knew nothing about Amihan. Kinikilig ako kasi there was a chance na maging Alena ako. Ibang-iba ang 'Encantadia' kung Alena ako. Nakakatuwa... It's cute,” aniya.

Biro pa ni Kylie, “Bagay rin pala akong Alena... Natatawa ako kasi sinasabi ko 'yung lines ni Alena pero ako pala si Amihan.”

EXCLUSIVE: Kylie Padilla reacts to her audition... by encantadia2016

Mapapanood ngayon si Kylie bilang Sang'gre Amihan gabi-gabi sa “Encantadia,” kasama sina Gabbi Garcia bialng Sang'gre Alena, Sanya Lopez bilang Sang'gre Danaya, at Glaiza de Castro bilang Sang'gre Pirena.

Kabilang rin sa mga nagbibigay-buhay sa kuwento sina Ruru Madrid, Rocco Nacino, Klea Pineda, James Teng, Buboy Villar, John Arcilla, Solenn Heussaff, at marami pang iba. —NB, GMA News